Baucau 2 Maio 2024-Autoridade Protesaun Sivil Munisipiu Baucau fó apoiu emerjensia ba vítima uma kain 7 ne’ebé nia uma hetan estragus kauza anin boot iha Postu Administrativu Quelicai, husi Suco Uaitame, Aldeia 4 mak hanesan;
Aldeia Caranu uma kain 1, Aldeia Gamana uma kain 1, Aldeia Gugulai uma kain 2 no Aldeia Sialimu uma kain 3.
Vítima hirak ne’e simu apoio emerjénsia iha edifisiu Autoridade Protesaun Sivil Munisipiu Baucau.
Ekipa ne’ebé fó apoiu emerjénsia mak Komandante Autoridade Protesaun Sivil Munisipiu Baucau Inspector Aleixo Ximenes, Segundo Komandante Jose Cabral, Xefe Departementu Jestaun Risku Dezastre (DNGRD) Basilio Amaral ho Funsionario APC.
Natalia (Media APC Baucau)