Dili, 06 maiu 2024-Autoridade Protesaun Sivil (APC) liuhosi Gabinete Planeamentu Estatéjika no Asesoria (APC-GPEA) organiza workshop durante loron ida hodi aprezenta mapamentu pesoal ba funsionariu APC no rezultadu ezekusaun orsamentu ba tinan 2024 nian.
Workshop ne’e halo iha salaun APC Kaikoli, ne’ebé loke hosi direitamente hosi Sua Exelensia Sekretariu Estadu Protesaun Sivíl, Domingos Mariano Reis akompaña hosi Prezidenti Interinu APC, Superintendente Asistente, Nuno Romualdo Gomes ho Diretór Jerál Seguransa no Prevensaun Konflitu, Ministeriu Interior.
Sua Exelensia Sekretariu Estadu Protesaun Sivíl, Domingos Mariano Reis konsidera rekursu umanu pilar importante atu lori susesu ba instituisaun no organizasaun ida.
“Instituisaun ida-idak tenke komprende termu ida mapamentu, saida mak mapamentu rekurus umanu ? saida rekursu umanu ?instituisaun ka organizasaun ida atu la’o persjia sustentabilidade rekursu umanu instituisaun nian, rekursu umanu importante, rekursu umanu hanesan pilar importante ida hodi lori susesu ba instituisaun rasik,” hateten Sua Exelensia SEPC.
Iha workshop ne’e Sekretariu Estadu husu ba Departamentu Rekursu Umanu, Diretor kada diresaun no gabinete ida-idak bainhira halo planu rekrutamentu tenke bazeia ba área espesialidade no koloka ema tuir ninia area rasik, atu nune’e bele iha produtividade ba servisu.
Entretantu iha atividade ne’e, kada diresaun no gabinete iha APC idak-idak aprezenta mós sira-nia progresu servisu no ezekusaun orsamentu tinan 2024, inklui planu ba tinan 2025 nian.
Ekipa Kobertura Media GREC-APC