Vikeke, 5 Maiu 2024 – Udan bo’ot durante loron rua (2) tutuir malu, hahú husi 3-4 Maiu 2024 ho nia intensidades maka’as ho nia afeita ba ponte Sumaku kotu iha area suku Uma tolu Postu Administrativu Lakluta No Ponte Metawa’e kotu iha area Suku Vessoru Postu Administrativu Uatulari.
Entertantu akontesementu ne’e mós impaktu ba barajen iha area Lugaasa suku Uma uain leten Postu Administrativu Vikeke.
Akontesementu ne’e mós mota tama komunidade nia uma iha área Loko-loko suku Matahoi Postu Administrativu Uatulari No mota tama mós komunidade nia uma iha area Raitahu suku Uma uain karik Postu Administrativu Vikeke.
Laos ne’e de’it maibe aihun ida monu hanehan komunidade família uma kain ida nia uma iha área Kaninuk Suku Bahalara uain Postu Administrativu Viqueque.
Ho akontesementu dezastre naturais hirak ne’e parte husi Autoridade Protesaun Sivil Munisípiu Vikeke sei halo verifikasaun ba família afetadus husi dezastre naturais, liuhusi Dirasaun Nasional Jestaun Risku Dezastre Munisípiu Vikeke iha tempu badak nia laran.
Media APC Vikeke “JsJ”