Vikeke, 6 Maiu 2024 – Autoridade Protesaun Sivil Munisipiu Vikeke lideradu husi Komandante Operasional APC Vikeke Inspektor Polisia Matias da Silva hamutuk ho ekipa halo observasaun direita ba fatin ne’ebé akontese dezastre naturais mak hanesan, rai halai hodi fó ameasa ba familia uma kain lima (5) sira nia uma,
nune’e mós ai hun ida ameasa ba família uma kain ida (1) nia uma, entertantu liuhusi observasaun ne’e Komandante APC Vikeke Orienta kedas Komandante Bombeirus hodi halo despaisu ba Xefe seksaun Brigada III ho imediata hodi tesi kedas ai hun ne’ebé fó ameasa ba uma komunidade nian.
Akontesementu refere akontese iha Aldeia Buanurak Suku Uabubu Postu Administrativu Ossu Munisipiu Vikeke.
Media APC Vikeke “JsJ”