XEFI FAMILIA HAMUTUK 62 AFEITADU HUSI DEZASTRE IHA TL by Mateus | May 7, 2024 | Notisia Dili, 06 Maiu 2024-Autoridadee Protesaun Sivíl (APC), liuhusi Gabinete Relasaun Externa Komunikasaun (GREK-APC), João de Sousa Filipe, informa durante semana ne’e xefi familia hamutuk 62 mak afeitadu husi dezastre naturais ho tipo dezastre la hanesan. Porta Voz APC ne’e, relata hirak ne’e ba jornalista sira durante konferénsia Imprensa iha Salaun APC Kaikoli Dili, Segunda ne’e. João de Sousa Filipe haktuir, durante semana ida nia laran Autoridade Protesaun Sivíl, liuhusi Sentru Nasionál Operasaun Protesaun Sivil (CNOPC) rejista Munisípiu 10 mak afeitadu ba dezastre naturais ho vítima xefi familia hamutuk 62 “Hahu iha loron 29 – 06 Maiu 2024 Durante Semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu uma hamutuk Xefi famílias 62 ho total Numeiro Ema Afeitados mak hetan estragus 82” Nia hatutan, Munisípiu sira ne’ebé afeitadu mak hanesan Aileu, Atauru, Baukau, Bobonaru, Dili, Ermera, Lautem, Manufahi, Vikeke inklui mos RAEOA ho tipu dezastre haat ne’ebé mak lahanesan “Municipiu Aileu (Anin Sobu 2), Munisipiu Atauru (Anin sobu uma 2) Munisipiu Baukau (Anin sobu uma 4, ahi han uma 1), Munisipiu Bobonaru (Anin sobu uma 2 ), Munisipiu Dili (anin sobu 1, Ahi han uma 1) Munisipiu Ermera (ahi han uma 17, Ahi han uma 2, rai halai no estragus uma 16 no be’e sae tama uma 2), Munisipiu Lautem (Anin sobu uma 2), Manufahi (Anin sobu uma1), Munisipiu Viqueque (Anin sobu uma 4,). RAEOA (Anin sobu uma 4),” Porta-vos mós dehan APC la’os ne’e de’it maibe parte husi korpu Bombeirus koloka iha munisipiu sanolu resin tolu (13), inklui mos RAEOA. Esklarese tan katak ita nia bombeirus sempre tesi ai sempre tohar ba iha dalan públiku ka movimentu transporte nian sira sempre asegura ai atu nune’e transporte sira bele lao normal fila fali. APC mos nafatin informa ba komunidade sira karik udan ne’ebé ho intensidade ne’ebé boot iha ita boot sira nia fatin liuliu ba sira ne’ebé tenke ses husi fatin ne’ebé maka risku, liuliu sira ne’ebé hela besik iha mota ninin, iha foho lolon, hela besik ai-hun boot no liuliu ,mak eletrisidade ne’ebé maka ahi han uma, husu ba komunidade sira rai didiak ita boot sira nia dokumentus sira ne’ebé mak importante ita nia servisu. Ho ida ne’e maka kasu ruma orijente ruma ita boot sira bele liga ba PNTL,CVTL, liu husi parseiru sira nomos liga ba APC ne’ebé maka koloka iha teritoriu Timor laran tomak halo intervensaun ka salva lalais ita boot sira nia vida, karik akontesimentu ne’ebé maka iha intensidade boot evakua ita boot sira ba iha fatin ne’ebé maka seguru liuliu ba eskola, igreja, sede suku atu nune salva ita boot sira nia an. #Média APC#
