Vikeke 7 Maiu 2024 – Autoridade Protesaun Sivil Munisipiu Vikeke lideradu husi Komandante Operasional APC Vikeke Inspektor Polísia Matias da Silva hala’o “ASAUN EDUKATIVU” iha Suku Luka Postu Administrativu Vikeke Munisipiu Vikeke,
Komandante APC Vikeke ho ekipa halo vijilánsia ba iha suku Luka hare’e hetan ai sanak ida monu iha estrada klaran, estrada refere ligasaun Postu Administrativu Lakluta mai Vikeke villa, entertantu ai sanak refere monu iha kedas estrada klaran ne’ebé besik iha komunidade hela ba no transporte liu ba liu mai, laiha ema ida prekupa hodi hasai ai refere, ho hanoin ida ne’e Komandante APC ho ekipa ho nia inisiativa hodi tesi ai refere no hasai ba estrada ninin atu nune’e labele difikulta transporte nia movimentu.
Ho asaun ida ne’e hanesan asaun EDUKATIVU ida hodi konsensiliza komunidade ho lideransa komunitária sira atu iha sentementu pertensia ba propriadade públiku no labele atu hein deit husi Autoridade altu nia asaun wainhira komunidade no Lideránsa Komunitária nia kbi’it sei bele.
Media APC Vikeke “JsJ”