Lautém, 13 Maiu 2024 – Komandante Autoridade Protesaun Sivíl (APC) Munisípiu Lautém Inspetor Xefe Polisia Tito da Silva, ohin fo orientasaun ba funsionáriu APC husi Diresaun Nasional Jestaun Rekursu (DNGR) no Diresaun Nasional Jestaun Risku Dezastre (DNGRD) hodi tuir Ordem Unida”_ iha edifísiu APC Munisipiu Lautem.
Atividade ne’e hala’o relasiona ho komemorasaun loron Restaurasaun Independénsia Timor-Leste ba dala-XXII, fulan Maiu tinan ne’e, ne’ebé funsionáriu APC mós hola parte iha formatura desfile iha eventu bo’ot ne’e. Pesoal instrutór sira mak hanesan Rafael Soares no Florindo da Costa Neves, husi Diresaun Nasional Seguransa Patrimoniu Publiku (DNSPPP). Atividade ne’e ohin partisipa mós funsionáriu husi DNSPP no Diresaun Nasional Prevensaun Konflitu Komunitaria (DNPKK), ne’ebé hahú husi oras servisu dader 09:30 no kontinua iha lorokraik tuku; 16:00 OTL.
Media APC Lautém.