Dili, 13 Maiu 2024-Autoridadee Protesaun Sivíl (APC), liuhusi Porta Voz APC Cesario da Silva Marques, atuál Diretor Gabinete Relasaun Externa Komunikasaun (GREK), informa durante semana ne’e xefi familia hamutuk 102 mak afeitadu husi dezastre naturais ho tipo dezastre la hanesan. Porta Voz APC ne’e, relata hirak ne’e ba jornalista sira durante konferénsia Imprensa iha Salaun APC Kaikoli Dili, Segunda ne’e.
Cesario da Silva Marques haktuir, durante semana ida nia laran APC, liuhusi Sentru Nasionál Operasaun Protesaun Sivil (CNOPC) rejista Munisípiu 7 mak afeitadu ba dezastre naturais ho vítima xefi familia hamutuk 102.
“Hahu iha loron 6- 12 Maiu 2024 Durante Semana ida ne’e, iha teritoriu Timor-Leste normal no akontese tipu dezastre maka CNOPC-APC rejistu uma hamutuk Xefi famílias 102 mak hetan estragus”.
Nia hatutan, Munisípiu sira ne’ebé afeitadu mak hanesan Baukau, Bobonaru, Dili, Lautem, RAEOA, Manufahi, Vikeke.
“Municipiu Baucau (Rai halai estragus uma 13), Munisipiu Bobonaru (ahi han estraga uma ida), Munisipiu Dili (Rai halai estraga uma 1), Municipiu Lautem (Anin Sobu estragus uma 2, Ahi han 1), RAEOA (Anin sobu 2, ahi han uma 2), Municipiu Manufahi (Inundasaun estragus uma 74), Municipiu Viqueque (Anin sobu estragus uma 2, rai halai 2), ho tipo dezastre la hanesan”.
Komadante autoridade protesaun sivil munisipiu no parseiria levanta fornese ona asistensia emerjensia ba familia afetadu sira mak hanesan sasan emerjensia tuir lei ne’ebé maka kompetesia husi APC no SEPS ida ne’e maka dadaus regista iha APC, munisipiu sira sei kontinua halo rekolla dadus hodi oinsa para atu bele hetan informasaun hirak ne’ebé lia los no kredivel atu nune’e APC no SEPS atu bele distribui nesesidade ne’ebé maka iha.
Media APC GREC