𝗙𝗨𝗡𝗦𝗜𝗢𝗡𝗔́𝗥𝗜𝗨 𝗔𝗣𝗖-𝗦𝗘𝗣𝗖 𝟵𝟬 𝗧𝗨𝗜𝗥 𝗦𝗘𝗠𝗜𝗡𝗔́𝗥𝗜𝗨 𝑷𝑼𝑩𝑳𝑰𝑪 𝑺𝑷𝑬𝑨𝑲𝑰𝑵𝑮

Dili, 22 maiu 2024- Funsionáriu Autoridade Protesaun Sivíl (APC-SEPC) kompostu hosi kargu diresaun no xéfia hamutuk 90 tuir semináriu 𝙋𝙪𝙗𝙡𝙞𝙘 𝙎𝙥𝙚𝙖𝙠𝙞𝙣𝙜 durante loron ida iha salaun Kedutaan Besar Republik Indonesia (KBRI) iha Farol, Dili.

Semináriu 𝙋𝙪𝙗𝙡𝙞𝙘 𝙎𝙥𝙚𝙖𝙠𝙞𝙣𝙜 realiza tanba servisu hamutuk entre KBRI, Banku Mandiri iha Timor-Leste ho SEPC ho objetivu atu hasa’e abilidade komunikasaun funsionáriu APC-SEPC nian iha baze.

Sua Exelénsia Sekretáriu Estadu Protesaun Sivíl, Domingos Mariano Reis hateten semináriu 𝙋𝙪𝙗𝙡𝙞𝙘 𝙎𝙥𝙚𝙖𝙠𝙞𝙣𝙜 importante atu hasa’e koñesimentu kargu xéfia sira-nian iha diskursu públiku.

“Atividade ida ne’e pedidu hosi SEPC nian ba KBRI atu fó semináriu ba kargu xéfia sira oinsa hasa’e sira-nia koñesimentu ba diskursu públiku nian, importante los ba kargu xéfia sira,” hateten SEPC.

Membru Governu ne’e esklarese ho funsionáriu sira-nia koñesimentu ne’ebé natoon persija iha formasaun sira hanesan no regularmente tinan ida bele dala rua no formasaun sira seluk kona-ba jestaun rekursu umanu no jestaun lideransa.

Ikus liu, Governante ne’e lori nonu governu konstitusionál nia naran hato’o mós agradesimentu ba KBRI ho Banku Mandiri, ne’ebé fasilita ona 𝙋𝙪𝙗𝙡𝙞𝙘 𝙎𝙥𝙚𝙖𝙠𝙞𝙣𝙜 ba funsionáriu APC-SEPC.

Iha fatin hanesan, Reprezentante Duta Besar KBRI iha Timor-Leste, Wasikhu Sunani Ali Asrori konsidera ho kapaistasaun rekursu umanu liu-liu ba funsionáriu APC-SEPC iha Timor-Leste iha utilidade ba funsionáriu sira.

Entretantu, semináriu fasilita hosi Treinadór Polri Atase KBRI iha Dili, Timor-Leste, Koronel Don da Costa, ho Sertifikadu Internasionál.

Cipry & Fredy (GREC-APC)