Lautém, 23 Maiu 2024 – Autoridade Protesaun Sivíl (APC) Munisipiu Lautém liuhusi Xefe Departamentu Diresaun Nasional Jestaun Risku Dezastre (DNGRD) Mateus da Costa, ohin servisu hamutuk ho parseiru ONG’s ne’ebé reprezenta husi Euclides Hornay, harii hela kuadru avizu iha fatin perigu iha area; Ira-darat, Suku Iliomar-2, Postu Administrativu Iliomar.
Area ne’ebé ekipa harii hela kuadru avizu ne’e risku ba “lafaek-tata”. Fontes husi Autoridade Lokal katak kuaze husi lafaek-tata iha area refere iha ona vítima nain haat inklui iha vítima ida mate liu kauza lafaek tata-mate iha tinan 2023.
Media APC Lautém.