Dili, 27 Maiu 2024-Autoridadee Protesaun Sivíl (APC), liuhusi Xefe Seksaun Relasaun Externa (GREK-APC), Nelson Nunes Orleans iha konferénsia imprensa ba atualizasaun dadus dezastre hateten durante semana ida APC rejista uma kain 7 inklui ema hamutuk 33 afeitadu ba dezastre anin sobu, ahi han uma, be’e sae no ema ida lakon vida.
“Hahú hosi 21 to’o 27 maiu 2024 semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu uma hamutuk Xefi famílias 7 mak hetan estragus,” relata Porta vós APC iha salaun konfénsia imprensa, Kaikoli, segunda – feira ne’e.
Nia esplika haktuir, uma kain 7 ne’ebé afitadu ba dezastre hosi munisípiu 4 hanesan Aileu, Bobonaro, Lautém no Manufahi.
“Munisípiu Aileu (Anin sobu uma 1), Munisípiu Bobonaro (Anin sobu uma (1), ahi han uma (1) Munisípiu Lautem(Anin sobu uma( 2), ahi han uma (1) Munisípiu Manufahi (Be’e sa’e (1 ),Lakon vida (1)” hakutir Xefe Seksaun-APC.
Entretantu, daudaun ne’e komandu munisípiu APC ho parseiru relevanta sira fó ona asisténsia emerjénsia hanesan hahan no la’os hahan no oras ne’e ba vítima sira no APC sei kontinua halo levantamentu dadus hirak ne’e.