APC ho MTC-DNMG, atualizasaun informasaun katak loron ohin 3 Junu 2024 liu husi APC No DNMG Liu husi ekipa previzaun tempu no eventu extremu hakarak informa ba komunidade jeral iha teritoriu nasional katak kondisaun atmosfera ba loron ohin sei estável husi parte DADER to’o MEIO-DIA, maibe ho aproximasaun sistema meteorolojiku hanaran:
“ONDAS DE ROSSBY EQUATORIAL” sei possibilita instabilidade atmosferika iha periodu LOROKRAIK-INISIU KALAN hodi favorese UDAN ho intensidade FRAKU no bele lokalmente MODERADU/NATON prinsipalmente iha rejiaun CENTRAL no SUL, liu-liu ba munisipiu sira hanesan: AILEU, ERMERA, MANUFAHI, MANATUTO (parte BARIQUE), VIQUEQUE no LAUTEM (parte LOSPALOS). inklusive munisipiu balun iha rejiaun NORTE maibe iha rejiaun refere iha possibilidade ba UDAN ho intensidade CHUVISKA no bele lokalmente FRAKU.
ATENSAUN ESPESIAL BA ANIN IHA KOSTEIRAS
(ATAURO, MANATUTO, RAEOA no LAUTEM).
Kondisaun ANIN ba loron ohin nian sei intensifika hodi hu’u ho velosidade MODERADU/NATON to’o FORTE (18-24 km/h) liu-liu ba munisipiu sira ne’ebe mensionadu ona iha leten. Enkuantu restu munisípiu sira seluk, velosidade ANIN sei varia husi NORMAL (10-15 km/h) no bele lokalmente MODERADU/NATON kuaze iha territoriu nasional.
ATENSAUN BA KONDISAUN LALORAN TASI NIAN
(COVALIMA, MANUFAHI, MANATUTO, VIQUEQUE no LAUTEM).
Kondisaun LALORAN TASI nia A’AS ba loron ohin nian sei varia husi NORMAL to’o MODERADU/NATON (0.4-1.2 m) iha KOSTA NORTE, enkuantu iha KOSTA SUL mak kondisaun refere sei varia husi MODERADU/NATON to’o FORTE (1.2-1.7 m).
Risku
* POTENSIA BA AI TOHAR/MONU, ESTRAGA UMA SIRA NEBE ESTRUTURA LADUN METIN;
* Ba maluk viajantes sira ho transporte marítima no ba maluk peskadór sira ne’ebé mak hala’o atividade liu-liu iha kosta sul, presija tau atensaun ba kondisaun refere atu nune’e evita dezastre sira ne’ebé ita hotu lá espera.
Bulletim emitidu: 03/06/2024 (10:35 OTL)
Bulletim validu: 04/06/2024 (00:00 OTL)
Akompaña nafatin informasaun tuir mai
Fontes Media APC GREC