Lautém, 31 Maiu 2024 – Autoridade Protesaun Sivil (APC) Munisipiu Lautem, ohin liuhusi Segundu Komandante APC Abilio dos Santos, hamutuk Komandante Bombeiros Nazario Soares nomós Xefe Departamentu Diresaun Nasional Jestaun Risku Dezastre (DNGRD); Mateus da Costa inklui funsionarius APC, partisipa programa Sensibilizasaun ho tema sentral “Hamutuk ita Proteje ita-nia Rai no Ambiente hodi Reduz Risku ba Dezastre”.
Programa ne’e fasilita husi Organizasaun Naun-Guvermentais (ONG’s) CARITAS ne’ebe ohin realiza iha Suku Daudere Postu Administrativu Lautém no loke ofisiál husi Sekretáriu Munisipal Lautém Asuntu Sosiais Zeferino dos Santos Sequeira.
Depois Sensibilizasaun, programa ne’e kontinua hodi harii kuadru avizu ba fatin risku dezastre ba ‘rai-monu’ no mos atividade kuda-ai iha fatin risku refere.
Atividade ba implementasaun programa ne’e hetan partisipasaun másimu husi PNTL, Servisu Meiu Ambiente, servisu Protesaun Sivil Munisipal Lautem, CVTL, Autoridade Lokal, ONG’s inklui komunidade.
Media APC Lautém.