Lautem, 14 Juñu 2024 – Insidente ne’e ohin akontese iha dadersan oras; 09:15 OTL iha area Tenu, Aldeia Ira-ara, Suku Parlamentu, Postu Administrativu Lautém, bainhira vítima ho naran Alazino Donasio dos Santos, ho idade 26 ba luku tasi hodi tiru ikan hamutuk nia maluk nain tolu.
Ohin liuhusi ekipa konjuntu Autoridade Protesaun Sivil (APC) Munisipiu Lautém ne’ebé kompostu husi membru Korpu Bombeiros no Diresaun Nasional Jestaun Risku Dezastre (DNGRD) ne’ebé lidera direitamente Komandante APC Inspector Xefe Polisia Tito da Silva, dezloka kedan ba fatin akontesimentu hodi buka vítima ne’e.
Hakarak informa katak; to’o oras ne’e vítima seidauk hetan no ekipa konjuntu APC sei kontinua buka vítima hamutuk PNTL, UPM, Autoridade Lokal, komunidade inklui família vítima ne’e rasik.
Media APC Lautém.