Baucau, 26 Juñu 2024- Komando Autoridade Protesaun Sivíl (APC) Munisípiu Baucau liuhusi funsionáriu Diresaun Nasional Jestaun Risku Dezastre servisu hamutuk ho Diretor Dezastre Munisipál Clementino Pedro Barbosa, akompaña Xefe Departementu Jestaun Formasaun Munisipál ho ekipa inklui pontu fokál Dezastre Postu Administrativu Quelicai halo verifikasaun ba uma kain ida ne’ebé nia uma hetan estragus kauza husi inséndiu, akomtesementu iha Suku Baguia, Aldeia Laua-Liu.
Vítima Juvita Ximenes haktuir kronolojia akontesementu katak vítima ho nia kaben laiha fatin banhira akontese inséndiu, maibé vítima nia oan ne’ebé kiik ho nia avo mak hela iha uma, ne’e duni akontesementu refere kauza husi Ahi iha dapur.
Akontesementu ne’e mós la rejulta ema mate maibé vítima ho naran Beatrix Soares ho idade 78 hetan kanek iha nia liman los, aleinde ne’e sasan uma laran hanesan aihan, Ropa, Dokumentus ho Osan montante $ 1000 maka ahi han hotu.
Vítima hirak ne’e evakua ona ba família ne’ebé besik tamba sira laiha fatin atu hela.
Aliya Guterres Media APC Baucau