Lautém, 26 Juñu 2024 – Komandu Operasional Autoridade Protesaun Sivil (APC) Munisípiu Lautém ohin liuhusi servisu Diresaun Nasional Bombeiros (DNB) hala’o formasaun ba ‘Resiklajen Materia Espesifiku Bombeiros kona-bá Area Seguransa Kontra Insendiu no Resgate i Salvasaun’.
Formasaun ne’e ohin hala’o iha aula enkontru DNB Lospalos-vila no ofisialmente loke husi Diretor Nasional DNB Paulo Maia.
Tuir ajenda ne’ebé iha, formasaun ne’e sei hala’o durante loron rua (2) iha ne’ebe sei dirije husi instrutor Bombeiros Luis Araujo no Bruno Magalhaes.
Iha formasaun ne’e partisipante sira sei hetan teoria no mos pratika, oinsa atu halo intervensaun rapida ba ‘Busca no Salvamento’ ba vitima dezastre iha situasaun emerjensia nia laran.
Hakarak informa katak; formasaun ohin ne’e partisipa masimu husi membru Korpu Bombeiru no mos funsionarius sira husi servisu Diresaun Nasional Jestaun Risku Dezastre (DNGRD) Munisipiu Lautem.
Edy Media APC Lautem.