Dili, 01 Jullu 2024- Autoridade Protesaun Sivíl (APC) liuhosi Sentru Formasaun Protesaun Sivíl realiza formasaun kona-ba Jestaun Risku Dezastre, Primeiru Intervensaun Kontra Insendiu no Primeiru Sokorru Bázika hodi eleva koñesimentu funsionáriu munisípiu Dili liu-liu Kordenadór no Pontu Fokál Diresaun Nasionál Jestaun Rekursu (DNGRD) hamutuk 35.
Iha formasaun ne’e, Diretór Gabinete Relasaun Externa no Komunikasaun (GREK), Cesario da Silva Marques aprezenta mós matéria prinsipál ligadu ho Lei Protesaun, dekretu lei no papel Protesaun Sivíl nian.
Enkuardamentu legál ne’ebé Diretór GREK partilla hodi fó kbiit ba ezisténsia no knaar APC nian mak Konstituisaun RDTL iha artigu 146 ho 147 kona-ba Forsa Armada, Polísia no Forsa Seguransa sira seluk, Lei Seguransa Nasionál númeru 2/2010 8 F-FDTL iha artigu, PNTL artigu 9 no Protesaun Sivíl artigu 10, Lei Protesaun Sivíl 12/2020, Dekretu Lei nu. 23/2024, 10 de maio kona-ba Autoridade Protesaun Sivíl, Dekretu Governu ne’ebé Aprova Estrutura Organika APC nu. 11/2022, Diploma Ministeriál nu. 01/2023, Dekretu Lei nu. 7/2021 Apoiu Públiku, Dekretu Lei nu. 20/2022 Numeru Uniku Nasionál Emerjénsia no Despasu.
#Cipri#Bazy (GREC-APC)