Dili, 29 Juñu 2024 – Sábadu Semana ne’e, Sua Exelénsia Sekretariu Estadu Protesaun Sivil, Domingos Mariano Reis ho estrutura orgánika Autoridade Protesaun Sivíl (APC) ho konvidadu espesiál sira selebra aniversáriu ezistensia APC ba daruak iha tinan ne’e ho tema “Investir no Presente para Capacitar no Futuro” iha resintu APC Kaikoli Dili.
Prezidente Autoridade Protesaun Sivíl (APC), Superintendente Polisia Ismael da Costa Babo iha ninia diskursu hateten APC hanesan Instituisaun ida ne’e nia natureza no nia kna’ar hatur iha Art. 10 L nú. 2/2010 de 21 Abril seguransa Nasionál ho ninia atuasaun tuir Art. 5, husi objetivu Lei Seguransa Nasional
“APC hanesan Instituisaun ida ne’e nia natureza no nia kna’ar hatur iha Art. 10 L nú. 2/2010 de 21 Abril seguransa Nasionál ho ninia atuasaun tuir Art. 5, husi objetivu Lei Seguransa Nasional, ba Sistema Integradu Seguransa Nasioná katak:
- Seguransa Nasionál garante husi atividade integradu husi Forsa Defeza, Forsa Servisu Seguransa no Ajente Protesaun Sivíl
- La prejudika ba sira nia misaun prinsipál ne’ebé preve ona iha Konstituisaun, no dezenvolve ona iha lejislasaun espesiál, Forsa Defeza, Seguransa no Ajente Protesaun Sivíl sira atua ho forma integradu, tuir termus lei ida ne’e nian, tuir polítika Seguransa Nasionál no iha ámbitu Sistema Integradu Seguransa nasionál nian.
- Asaun operasionál konjunta husi Forsa Defeza no Forsa Seguransa, nune’e mos ajente Protesaun Sivíl, sempre subsidiáriu ba sira nia asaun, promove no deside iha ámbitu Sistema Integradu Seguransa Nasionál”.
Dirijente APC ne’e hatutan APC deskonsentra ninia estrutura perfeitu iha aliñamentu no isntala mós komandu APC iha Territóriu Nasionál tomak
“Autoridade Protesaun Sivíl deskonsentra nia estrutura ne’ebé perfeitu aliñamentu ho organizasaun administrative Timor-Leste, ho komandu Munisipál sanulu-resin-tolu Operasoens Protesaun Sivíl no komandu Rejionál Operasoens Protesaun Sivíl. Nune’e, mos destaka Unidade Espesiál Protesaun Sivíl iha Dili, ne’ebé hanesan forsa operasionál id aba prevensaun no resposta ba situasaun emerjénsia Altu RiskuResgata Salvamentu Aero, Marítima, Terrestre no Kontaminasaun Deskontaminasaun material Perigoza Hasmat ba (CBRN, Kímiku, Biolójiku, Radioativu no Nuklear) ne’ebé fo reforsu ba estrutura operasionál Autoridade Protesaun Sivíl nian no Opera ho kapasitasaun bo’ot liu ba komandu OPerasionál Nasionál”.
Nia hatutan tan katak vizaun ba implementasaun Nasionál husi APC involve kapasidade dezenvolvimentu atu halo seguru infraestrutura Protesaun Sivíl kontra dezastre, Robustu no preparadu proteje populasaun nia moris ho enerjetikamente reziliente kontra risku sira husi siénsia teknolojia inklui mudansa klimátika, ne’ebé define ona iha 2020, no sai imperativu assegura kontinuidade ba atividade prinsipál sira.
Ismael da Costa Babo, salient tan katak Ideias konbinasaun rekursu no pontus fortes husi implementa iha konjuntu atividade nia dezenvolve esensialmente, hamosu oportunidade parseria entre atór sosiedade sivíl, Organizasaun privadu no setór públiku liñas ministeriais, Ajénsia Nasoens Unidas, Australian Humanitarian Partnership-AUSAID, Mercy Corps-USAID, JICA-Japaun, KOIKA-Korea, Work Bank, Asia Development Bank no mós Apoiu husi Embaixadas no korpu diplomátiku sira hotu nian, Kruz Vermella de Timor-Leste no sira seluk tan.
Lideransa Másimu APC ne’e esklarese liutan katak Bazea ba planeamentu sira ne’ebé asumi no ezekuta ona APC konsege reprezenta Estadu Timor-Leste hodi partisipa iha eventu internasionál sira Ázian nian.
“Bazea ba planeamentu sira ne’ebé asumi no ezekuta ona, ita konkretiza tiha ona konjuntu medida fundamental sira hodi hari’I kapasidade Protesaun Sivíl iha Timor-Leste, nune’e destaka: APC reprezenta Estadu Timor-Leste lidera no sai uma nain ba Sesaun 9 husi Grupu Konsultivu Rejionál kona-bá Koordenasaun Sivíl-Militar Umanitáriu iha Ázia-Pasífiku; nune’e mós reprezenta Estadu Timor-Leste hanesan Membrus ba komisaun preparative ba organizasaun tratadu kompriensivu ba teste Nuklear; Partisipa tiha ona iha reuniaun no programa sira husi sentru Azean no Azean Coordinating centre for Humanitarian Assistence on Disaster Management (AHA Centre); partisipasaun iha Brunei Darulsalam, partisipasaun APC nian iha eventu importante sira ne’e, to’o estabelese kontaktu no promove Timor-Leste”.
Nia Esplika, hanesan ajénsia koordenadora, APC mós presiza prepara-an atu koordena resposta internasionál kazu azijénsia resposta nível 3 (kalamidade) nian. Ita nia planu nasionál resposta ba katástrofe deskreve forma resposta níven Munisipál, Nasionál, Rejionál no Global, sei realiz iha ne’e, liuhusi ekipa kordenasaun Humanitariu, nune’e mós dezenvolve ona planu estratejia nasionál jestaun risku dezastre hamutuk ho parseiru governu relevante ho ninia objetivu atu esplika aprosimasaun governu tomak nian iha implementasaun programa tinan lima hodi hamenus risku dezastre tuir matadalan UNDRR, nune’e mós planu asaun antisipatóriu Timor-Leste nian hodi estabelese planu asaun detallu ne’ebé hahu husi tinan 2024-2028.
Atu termina Ismael da Costa Babo, hateten iha momentu importante tebes ne’e apresia no motivasaun ba funsionáriu, husi estrutura tomak APC nian, Estadu-Nasaun Timor-Leste, liu husi Governante sira ho alta konsiderasaun atu valoriza sira ia sakrifisiu liu husi reime espesiál ba kareira professional APC, tamba ambiente sira nia servisu iha risku wainhira dezastre akontese ho motto ofereçe vida para salvar vida.
Lian ikus, Prezidente APC hasa’e agradesimentu ba Governu atuál ne’ebé lidera husi Maun bot Kay Rala Xanana Gusmão, nune’e mos agradese ba Governu anterior ne’ebé lidera husi Jeneral Taur Matan Ruak ho eis titulares sira hotu.
Partisipa iha selebrasaun ne’e, Vice-PM, Mariano Assanami Sabino Lopes, Ministro Interior Francisco da Costa Guterres, Sekretariu Estadu Protesaun Sivíl sessante Juaquim Gusmão no Alexandrinho Xavier Araujo, Komandante Operasional Nasionál APC, estrutura tomak APC nia husi Nasionál too Munisípiu inklui konvidadu importante sira no parseiru dezenvolvimentu humanitárie APC nian.
#EkipaMediaAPC#