Lautém, 3 Jullu 2024 – Relasiona ho udan bo’ot ne’ebé tun horikalan kuaze oras lima (5) nia laran fó impaktu ba bee-mota sa’e no hamosu inundasaun ne’ebé rezulta kuaze uma komunidade sanulu resin ida (11) mak bee tama. Dezastre inundasaun ne’e akontese iha area Sawarika, Aldeia Lospala, Postu Administrativu Lospalos.
Ho situasaun ne’e, ohin liuhusi Autoridade Protesaun Sivíl (APC) Munisípiu Lautém ne’ebé lidera direta husi Komandante APC Inspetor Xefe Polisia; Tito da Silva, hamutuk ekipa servisu konjuntu husi servisu Diresaun Nasional Jestaun Risku Dezastre (DNGRD), Diresaun Nasional Bombeiros (DNB) no Diresaun Nasional Jestaun Rekursu (DNGR) dezloka kedan ba fatin akontesimentu hodi halo observasaun no mós halo assessmentu.
Hafoin ida ne’e, imediata ekipa servisu APC liuhusi servisu DNGRD apoiu kedas sasan emerjénsia hanesan ‘ai-han no la’os ai-han’ ba vítima dezastre sira. Dezastre ne’e rezulta sasan uma-laran hetan estragus.
Media APC Lautém.