Manufahi, 05 Jullu 2024-Autoridade Protesaun Sivíl (APC) Munisípiu Manufahi liuhusi Corpo Bombeiros termina ona refreshing training resiklazen ba loron ohin. Materia ikus ba loron daruak nian maka Corpo Bombeiros sira hala’o simulasaun oinsa kombate inséndiu ida hodi salva vítima ne’ebé maka iha uma laran matéria seluk maka kona-bá oinsa Bombeiros sira salva no evakua vítima iha rai naruk wainhira akontese dezastre.
Iha intervista instruktor Luis de Araujo hateten atividade ne’e hanesan refreshing trainning tamba materia ne’ebé iha sira hetan ona no presiza dunik hamanas nafatin Bombeiros sira nia mentalidade hodi salva guarda vítima sira.
Komandante CB Juvinal Da Silva hateten atividade ne’e presiza tebes tamba Manufahi risku ba dezastre tamba ne’e mak presiza dunik hodi motiva nafatin Bombeiros sira servisu di’ak liutan iha futuru.
Branco Média APC Manufahi