Covalima, 8 Jullu 2024 -Komando Autoridade Protesaun Sivíl (APC) Munisípiu Covalima liuhusi Corpo Bombeiros hamutuk ho funsionáriu Dirasaun Nasional Jentaun Risku Dizastre (DNGRD) partisipa formasaun ba Rejiklajen Matéria Espesífiku Bombeiros kona-bá area Seguránsa Kombate Ínséndiu no Resgate/Salvamentu.
Formasaun ne’e, ohin hala’o iha edifísiu Corpo Bomberus Covalima no loke husi Director Nasional Corpo Bombeiros Paulo Maia, akompaña husi Comandante Autoridade Protesaun Sivíl (APC) Covalima Inspector Xefe Polísia Flavio dos Santos Mendes, Comandante Corpo Bombeiros Didi Alves Pereira.
Tuir ajenda formasaun ne’e durante loron rua (2) ne’ebé sei diriji husi instrutór Bombeiros Luis De Araujo.
Durante loron rua (2) ne’e partisipante sira sei hetan teoria nomós prátika oinsa atu halo intervensaun rápida ba Buska no Salvamentu ba vítima dezastre iha situasaun emerjénsia nia laran.
Virgil Média APC Covalima.