Dili, 15 Jullu 2024-Prezidenti APC atual, Superientendente Polisia, Ismael da Costa Babo konvoka enkontru despedida ho diretor, xefe departamentu no funsionΓ‘riu sira Diresaun Nasional Bombeiros (DNB).
Enkontru despedida hanesan enkontru ikus ba Prezidente atual APC, Superientendente Polisia, Ismael da Costa Babo hatoo ninia agradesimentu, mezmu tempu introdus mos Prezidente APC nomeadu, Jesuino dos Reis Matos Carvalho ba estrutura DNB.
Iha reuniaun despedida ne’e, Prezidente APC atual Superientendente Polisia, Ismael da Costa Babo husu ba estrura korpu bombeiros hosi diretor to’o membru sira atu apoiu Prezidente foun iha ninia mandatu.
“Timor ita hotu nian, dinamika mudansa ba estrutura hodi lori instituisaun estadu ba oin, ho nunee ha’u husu ba diretor ho korpu bombeiros sira hotu atu apoiu Prezidente foun ita tenke proteje, apoiu no prezerva,” hatoo Prezidente Atual.
Primeiru Lideransa APC hateten “Ita-nia Prezidente foun iha ona, ha’u husu ba ita-boot sira atu fo susesu servisu durante tinan tolu durante Prezidente foun ninia mandatu hanesan mos ita-boot sira fo apoiu ba ha’u.”
Prezidente Babo apela ba korpu bombeiros atu evita no kuidadu iha linguajen labele ko’alia liafuan ida ne’ebe la merese atu ko’alia.
“Ha’u rona rumoris balun dehan sivil mak mai fali nusa la’os polisia ka bombeiros tanba husu ba profisionais bombeiros prepara an bainhira servisu diak Nai ulun sira sei tau konfiansa ba ita,” esplika Prezidente APC.
Nia katak “Prezidente foun la’os nia mak hakarak mai, hanesan ha’u laos hau mak hakarak mai maibe depozita konfiansa hosi estadu, hosi orgaun haat la fasil atu hili ema ida ba Prezidente Autoridade, Prezidente APC ita-nia Nai ulun sira haree mak nomea liu hosi rezolusaun governu.
Ikus liu husu nafatin ba korpu bombeiros atu disiplina, estuda no aprende prepara hodi bele lidera APC iha futuru mai no korpu bombeiros atu forte no promove unidade nasional katak Timor ida de’it, bombeiros ida de’it no Protesaun Sivil ida de’it ita-boot sira mak tenke apoiu malu.
Iha fatin hanesan, Diretor DNB, Anibal Paul Maiahatoo nia agradesimentu Prezidente APC, Superintendente Polisia Ismael da Costa Babo ho ninia esforsu hodi dezenvolve instituisaun APC.
“Lori Bombiros Timor-Leste tomak iha munisipiu 13, atan ha’u hatoo agradesimentu ba Prezidente APC atual ho ninia esforsu, servisu, dedikasaun no buat barak ne’ebe halo ba APC,” agrdese Diretor Bombeiros.
Diretor DNB nafatin husu ba Prezidente APC atual atu tau matan Bombeiros no kopera nafatin servisu tanba bombeiros sei persija nafatin ita-boot nia tulun.
Ekipa Kobertura APCΒ