Lautém, 12 Jullu 2024 – Komandu Operasional Autoridade Protesaun Sivíl (APC) Munisípiu Lautém, ohin kontinua hala’o monitorizasaun ba vítima dezastre naturais ne’ebé hetan ona apoiu materiál rekuperasaun husi guvernu liuhusi APC iha tinan kotuk 2023.
Ekipa monitorizasaun ne’e ohin lidera direta husi Komandante Operasional APC Munisípiu Lautém, Inspetor Xefe Polisia Tito da Silva hamutuk Xefe Departamentu DNGRD Mateus da Costa.
Area monitorizasaun ohin ekipa servisu hala’o ba iha Postu Administrativu Lautém no Postu Administrativu Lospalos, ba totál benefisiáriu sira hamutuk uma-kain sanulu resin hat(14). Ba Postu Administrativu Lospalos iha benefisiáriu uma-kain rua (2) no ba Postu Administrativu Lautem benefisiarius hamutuk uma-kain sanulu resin rua (12).
Liuhusi observasaun husi ekipa servisu katak kuaze uma-kain hirak ne’e maioria mak konstrui ka harii fila-fali ona sira nia uma ou hela fatin hodi hela.
Edy Média APC Lautém.