Ermera,13 Jullu- SE. Secretario Estado Proteção Civil Domingos Mariano Reis, akonpaña husi Segundo Komandante APC Munisípiu Ermera ho ekipa APC Munisípiu Ermera hamutuk ho CVTL Filial Ermera apoiu ai-han ba vítima dezastre uma kain 8 ne’ebé evakua ona ba fatin seguru iha Aldeia Caiturloa Suku Urahou Postu Administrativu Hatulia B Munisípiu Ermera.
Xefe Suku Urahou hateten “agradese ba Sua Exelensia SEPC ho ekipa APC Munisípiu Ermera ne’ebé apoiu ona ai-han ba hau nia komunidade uma kain 8 ne’ebé hatene afetadu husi rai halai iha Aldeia Caiturloa SukuUurahou Postu Administrativo Hatulia B”.
Secretário Estado Proteção Civil Domingos Mariano Reis hateten “ objetivu husi vijita ida ohin, oinsa mak atu observa direita komunidade afetadu sira, aleinde ne’e mak riaku ba fatin seguru, nune’e hodi apoiu ai-han ba vítima dezastre”.
partisipa iha atividade refere mak hanesan sua exelénsia SEPC, APC munisípiu Ermera, CVTL Filial Ermera no mós lideránsa Komunitária sira.
Basty Média APC Munisipiu Ermera.