Dili, 16 Jullu 2024-Prezidenti Autoridade Protesaun Sivil atuál (APC) Superintendente Polisia Ismail da Costa Babo hala’o enkontru despedida ho Diretór, Xefe Departamentu, Xefe Seksaun no funsionariu hosi Gabinete Planeamentu Estratéjiku Assesoria (GPEA), Gabinete Relasaun Externa no Komunikasaun (GREC) no Gabinete Inspensaun Auditoria Interna (GIAI) iha salaun APC kaikoli Dili.
Iha enkontru, Presidente atual Superintendente Polisia Ismael da Costa Babo konsidera Ganibeti tolu hanesan GPEA, GREC no GIAI importante hodi apoiu promove no lori instituisaun APC ba oin.
“Iha instituisaun APC iha Gabinete tolu 3 ne’e mak importante iha instituisaun ida ne’e hanesan planu disiplina no atu promove no lori instituisaun ba oin”, tenik Prezidenti APC Sup. Polisia Ismael da Costa Babo.
Lideránsa APC esklarese durante ne’e Gabinete tolu ne’e servisu makas tebes hodi fo apoio tomak ba prezidenti APC hodi foti desijaun no orienta servisu ba iha diresaun sira APC nian no Gabinete tolu ne’e mak sai fuan, ran no katutak ba instituisaun ida ne’e.
Nia deklara “GREK liu-liu ita-nia media ne’e kuaze servisu maka’as tebes, hau simu mensajen ruma husi ita nia nai ulun sira ita nia parseiru sira, média Relasaun Externa protesaun sivil sira dehan avansa teb-tebes kuaze nia website ne’e membru ASEAN sira akompaña hotu i mos to paises balu pasifik sira mos akompaña e organizasaun nasional balu ne’ebe ita nia media ne’e avansa bo’ot teb-tebes.”
Iha okaziaun ne’e Prezidenti APC husu ba Diretor, Xefe Departamentu, Seksaun no funsionáriu hotu tenke servisu hamutuk hodi apoiu Prezidenti foun.
“Ha’u huusu ba diretores, xefi seksoens sira no funsionárius hotu atu asegura konserva no sistentabilidade instituisaun ho espíritu nasionalismo, solidariedade no servisu iha ekipa. No nia promete atu servisu hamutuk nafatin prezidenti nomeadu atu dezenvolve no hadia diak liutan instituisaun iha future,” hateten Prezidenti atuál.
Atu termina, Ismael da Costa Babo, husu ba kargu xefia sira hotu no funsionárius sira atu servisu ho dixiplina no buka apriende nafatin no servisu ekipa entre sesante no atuál sira tamba Protesaun ne’e dinamiku, , nune’e instituisaun estadu ida,tuir ambiente mudansa klimatika tenki lao ba oin, polisi mos iha lei seguransa nasional loke dalan atu kompleta malu, forsa armadas polisia no protesaun sivil mak kompleta malu servisu servi ba nasaun hodi atua ameasa tuir ida-idak nia servisu.
Iha enkontru ne’e, marka mós prezensa husi Presidenti nomeadu APC Jesuíno dos Reis Matos Carvalho, Diretor GREC, Cesario da Silva Marques, Diretór GPEA, Paulo Exposta, Inspetora GIAI Odete Calado, Xefi Departamento, Xefi Seksaun no funsionáriu sira.
Média APC