Dili, 15 Jullu 2024-Durante semana ida ne’e hahú hosi 8 to’o 15 Jullu Autoridadee Protesaun Sivíl (APC) liu hosi Sentru Nasionál Operasaun Protesaun Sivíl (CNOPS) rejista xefe família hamutuk 25 ne’ebé afeitadu ba tipu dezastre anin boot no rai halai, maibé la rejista ema mate.
Porta Vós APC atuál Xefe Seksaun Relasaun Externa, Nelson Nunes Orleans liu hosi konferénsia imprensa iha salaun APC Kaikoli informa iha semana ne’e munisípiu 8 mak afeitadu ba dezastre, ho xefi familia hamutuk 25.
“Hahu iha loron 8 to’o 15 Jullu 2024 durante semana ida ne’e, iha territóriu Timor-Leste normál no akontese tipu dezastre ne’ebé APC rejista xefe familia 25 no munisípiu sira ne’ebé afeitadu hanesan Munisipiu Aileu, Munisipiu Bobonaru, Munisipiu Baukau, Munisipiu Ermera, Munisipiu Manatutu, Munisipiu Viqueque, Munisipiu Liquisa, Munisipiu RAEOA,” haktuir Xefe Seksaun Nelson Nunes Orleans.
Nia subliña Munisipiu Aileu anin sobu uma ida (1), Munisipiu Bobonaru anin sobu uma rua (2), Munisipiu Baukau anin sobu uma haat (4), Munisipiu Ermera anin sobu uma ida (1) no rai halai lima (5), Munisipiu Manatutu anin sobu uma rua (2) rai halai ida (1), Munisipiu Viqueque Anin sobu uma lima (5), Munisipiu Liquisa anin sobu uma tolu (3), Munisipiu RAEOA anin sobu uma ida (1), ho tipo dezastre la hanesan.”
Porta voz mós salienta liu tan katak iha parte korpu bombeirus iha ona kombate insendiu florestais no insendiu urbana, inklui distribuisaun de habitasaun, transporte de hospitalares, fornesimentu be’e, transportes materiais, desobstrusaun de habitasaun no lavagem.
# Basilio Vieira & Natalino Soares