Baucau, 16 Jullu 2024- Komando Autoridade Protesaun Sivíl (APC) Munisípiu Baucau lidera husi Komandante Operasional Inspector Polisia Aleixo Ximenes, akompaña husi Xefe Departementu Jestaun Risku Dezastre (DNGRD) Basilio Amaral ho funsionáriu Jestaun Risku Dezastre verifika no fó apoiu emerjénsia ba vítima uma kain ida (1) ne’ebé nia uma hetan estragus kauza husi anin boot iha Postu Administrativu Laga, Suku Sagadate , Aldeia Ia-Sula.
Iha loron hanesan ekipa ida lidera husi Diretor Dezastre Munisipál Clementino Pedro Barbosa, akompaña Xefe Departementu Jestaun Formasaun Munisipal Januario Bras, Xefe Departementu Protesaun Sivil Munisipal Abreu de Sousa Belo, Funsionáriu APC inklui Pontu Fokal Postu Administrativu Quelicai, Funsionario Asuntu Sosiais Suku halo verifikasaun ba uma kain 5 no fó apoiu emerjénsia ba uma kain hamutuk 4.
Uma hirak ne’ebé verifika no fó apoiu emerjénsia mak hanesan Suku Abafala, Aldeia Assa Loque uma kain ida (1), Aldeia Mumana uma kain ida (3), Suku Baguia , Aldeia Laua-Liu uma kain ida (1) vítima refere nia uma verifika ona husi Autoridade Protesaun Sivíl iha fulan kotuk, uma kain ida husi Suku Laisorulai de Baixo, Aldeia Ulu-Soro.
Husi Suku Abafala, uma kain 3 husi Aldeia Mumana, uma kain ida (1) hetan inséndiu, uma kain ida (1) kauza husi rai halai, no ida kauza anin boot.
Aliya Guterres Média APC Baucau