Dili, 24 Jullu 2024- Prezidenti Autoridade Protesaun Sivíl , Jesuino dos Reis Matos de Carvalho simu Vizita Traballu husi Diretor Nasional Pilar Sosial no Kultura Asuntu ASEAN Ministériu dos Negócios Estrangeiros e Cooperação , Pedro Laranjeira ho nia membru nain rua iha Gabinete Prezidenti Autoridade Protesaun Sivíl Kaikoli, Kuarta-Feira semana ne’e.
Objetivu husi Sorumutu ne’e, atu aprezenta tarefas serbisu Autoridade Protesaun Sivil nian iha Pilar Sosiál no Kultura ASEAN ne’ebé lao durante ne’e nomós Koñese malu ho Prezidenti Foun APC nian hodi fahe koñesimentu balu liga ba APC nia serbisu no partisipasaun APC nian iha enkontru ofisiais, Senior Oficial meeting ka SOM leaders meetings sira ASEAN nian durante ne’e nomós iha futuru.
Iha biban ida ne’e, APC aprezenta mós oportunidade nomós dezafius sira ne’ebé durante ne’e hasoru husi APC liga ba enkontru sira ne’ebé mai husi ASEAN nian.
Partisipa sorumutu ne’e, Prezidenti APC Jesuino dos Reis Matos de Carvalho, Pedro Laranjeira Diretor Nasionál Pilar Sosial no Kultura Asuntu ASEAN, Leason Oficer nain rua MNEC –Pilar Sosial no Kultura Gil Cleofas ho Anacleto Bento Pereira , Xefe Gabinete PAPC Pedro Horacio, no Rep. Grec-APC Agustinho Cosme Belo
Fredy-Bazy (Média GREC-APC)