Baucau, 24 Jullu 2024- Komando Autoridade Protesaun Sivil (APC) Munisípiu Baucau liu husi diresaun nasional gestaun risku dezastre (DNGRD) verifika no fo apoiu emerjénsia ba vítima ne’ebé hetan inséndiu iha 24 Jullu 2024, oras 12:00 otl iha Postu Administrativu Quelicai, Suku Macalaco, Aldeia Defadae.
Vítima Rita Deolinda Martins ho idade 70 anos haktuir kronolójia akontesementu katak; “iha meudia hau tein hela fahi etu, no fahi etu ne’ebé hau tein hatur hela ahi matan tamba be’e laiha ha’u ba kuru be’e ho ida ne’e hela ahi han uma”
Akontesementu ne’e larejulta kanek no lakon vida maibé sasan uma laran hanesan hahan, ropa, bikan kanuru, besi, hetan estragus.
Oras ne’e dadauk vítima evakua ona ba família ne’eb’e besik.
Uma ne’ebé ahi han hamutuk uma 3 mak hanesan, uma hela fatin, uma kultura, no uma dapur.
Ekipa verifikasaun lidera husi Xefe Departementu Jestaun Risku Dezastre (DNGRD) Basilio Amaral, Funsionario Corpo Bombeiros no funsionáriu DNGRD.
Aliya Guterres Média APC Baucau