Manatuto, 24 Jullu 2024-Komando Autoridade Protesaun Sivíl (APC) Munisípiu Manatuto ne’ebé lidera husi sesante Inspetur Polisia Tome da Costa akompaña husi Adjunto komandante Antonio Vitorino Fernandes hamutuk ho estrutura APC Tomak kompostu husi DNGRD, DNGR, DNCB ohin entrega servisu ba iha komandante atuál Afonso Soares da Silva.
Komadante Munisípiu Manatuto Afonso Soares da Silva hato’o “ agradesimentu ba sesante komadante operasional Munisípiu Manatuto Inspetur Polisia Tome da Costa ne’ebé durante tinan lubuk ida hamutuk iha fatin ida ne’e, buat barak mak hala’o ona no buat barak mak susesu ona. No servisu balun sedauk halo Ha’u sei kontinua hadia di’ak liutan atu nune’e bele lori APC Manatuto ba oin, hanesan komandante atuál Ha’u simu no tau ba hau Nia kabas leten atu nune Ha’u sei kontinua hadia di’ak liutan no Ha’u husu ba ita hotu tenke servisu hamutuk fó liman ba malu, ita hotu iha ne’e tenke fiar malu, tenke unidade iha servisu nia laran. Servisu hamutuk ho objetivu ida deit lori APC Manatuto ba oin”.
Sesante Komadante Operasional Munisipiu Manatuto Inspetur Polisia Tome da Costa hateten katak “durante destaka nia mandatu iha APC iha loron 1 fulan agustu 2022 hetan kargu nu’udar sai Komadante Operasional Munisípiu Manatuto nian hamutuk xefe sesante DNGRD Elvis Miguel Gonzaga no Xefe DNGR atual João Soares no funsionário APC hala’o servisu ekipa hamutuk lori APC ba oin. Laiha buat foun husi hau atu hato’o ba funsionariu no ba estrutura APC M.M apoiu máximu ba ita nia komandante foun ne’ebé mak sei asume Kargu nudar Komandante APC Rona malu, no apoiu malun iha kualker Tempo”. Ikus liu nia esklarese tan katak hakarak hato’o husu perdaun ba ita boot sira no husu deskulpa ba ekipa DNGRD-APC, Ekipa CB-APC, karik liafuan ne’ebé maka Ha’u kualia halo imi Nia laran moras atan Ha’u husu perdaun” .
Geny Média Apc Manatuto.