Lautém, 29 Jullu 2024 – Autoridade Protesaun Sivíl (APC) Munisípiu Lautém ohin hamutuk parseiru CVTL-Filial Lospalos nomós parseiru Organizasaun Naun-Guvermentais (ONG’s) ‘Catholic Relief Services’ CRS/ CARITAS, realiza programa Sensibilizasaun kona-bá Prevensaun Risku Dezastre no Primeiru Sokorru, ba Autoridade Lokál no Konsellu Suku iha sede Suku Daudere, Postu Administrativu Lautém.
Ekipa servisu APC kompostu husi Komandante APC José Agustinho DC. Pacheco, Adjuntu Komandante Bombeiros Victor da Costa Juni, nomós Xefe Departamentu Diresaun Nasional Jestaun Risku Dezastre (DNGRD) Olficansio Palau Flores, ne’ebé halo aprezentasaun mós funsaun no servisu APC nian.
Sensibilizasaun ne’e ohin abertura husi Reprezentante Xefe Suku Daudere Sergio Armando Miranda, no programa ne’e sei hala’o durante loron tolu nia laran.
Programa ne’e fasilita husi parseiru ONG’s CRS/ CARITAS.
Edy Média APC Lautém.