Baucau, 30 Jullu 2024- Komando Autoridade Protesaun Sivíl (APC) Muníspiu Baucau hala’o Seremónia Entrega Servisu husi Komandante APC Sesante ho Estrutura tuan ba Komandante APC Foun ho Estrutura Foun.
Iha seremónia Komandante APC Sesante Inspector Polisia Aleixo Ximenes hateten katak ” ohin loron ikus nian ba Ha’u iha APC, hau hato’o Ha’u nia parabens no bemvindu ba Komandante APC Foun ho Estrutura no hein katak ho estrutura foun APC Baucau bele sai meius ida atu proteje komunidade Baucau liuhusi fornese informasaun sedu, edukasaun, alerta no responde sedu hodi proteje vítima dezastre tamba sira hein ita nia prezensa”.
Aleinde Komandante APC Sesante liuhusi diskursu badak Komandante APC Foun Francisco Viana Freitas mós hateten “husu ba estrutura foun APC atu kontinua kordena no Servisu hamutuk ho Estrutura tuan ne’ebé fó hela kna’ar ba ita,karik iha servisu ruma ne’ebé persiza atu kordena labele taka-an maibé nakloke atu bele servisu hamutuk ho di’ak”.
Komandante ne’e mós husu atu servisu iha ekipa, disiplina, rona malu, respeita malu, fiar malu no servisu ho responsablidade hodi lori susesu ba APC Munisípiu Baucau.
Partisipa iha seremónia entrega servisu ne’e mak hanesan Xefe Departementu DNPCC, Xefe Departementu DNSPPP, Kordenador CVTL fialial Munispiu Baucau ho Reprenzentante Diretur Dezastre Munisipál.
Aliya Guterres Média APC Baucau