Dili, 02 Agustu 2024-𝐀𝐮𝐭𝐨𝐫𝐢𝐝𝐚𝐝𝐞 𝐏𝐫𝐨𝐭𝐞𝐬𝐚𝐮𝐧 𝐒𝐢𝐯𝐢́𝐥 (𝐀𝐏𝐂) 𝐥𝐢𝐮 𝐡𝐨𝐬𝐢 𝐆𝐚𝐛𝐢𝐧𝐞𝐭𝐞 𝐧𝐨 𝐃𝐢𝐫𝐞𝐬𝐚𝐮𝐧 𝐭𝐮𝐭𝐞𝐥𝐚 𝐬𝐢𝐫𝐚 𝐢𝐡𝐚 𝐬𝐞𝐱𝐭𝐚 𝐟𝐞𝐢𝐫𝐚 𝐧𝐞’𝐞 𝐚𝐩𝐫𝐞𝐳𝐞𝐧𝐭𝐚 𝐩𝐫𝐨𝐠𝐫𝐞𝐬𝐮 𝐬𝐞𝐫𝐯𝐢𝐬𝐮 𝐣𝐚𝐧𝐞𝐢𝐫𝐮 𝐭𝐨’𝐨 𝐣𝐮𝐧̃𝐮 𝐭𝐢𝐧𝐚𝐧 𝟐𝟎𝟐𝟒, 𝐢𝐧𝐤𝐥𝐮𝐢 𝐩𝐥𝐚𝐧𝐮 𝐩𝐫𝐨𝐠𝐫𝐚𝐦𝐚 𝐩𝐫𝐢𝐨𝐫𝐢𝐞𝐝𝐚𝐝𝐞 𝐧𝐨 𝐎𝐫𝐬𝐚𝐦𝐞𝐧𝐭𝐮 𝐉𝐞𝐫𝐚́𝐥 𝐄𝐬𝐭𝐚𝐝𝐮 (𝐎𝐉𝐄) 𝐭𝐢𝐧𝐚𝐧 𝟐𝟎𝟐𝟓 𝐢𝐡𝐚 𝐬𝐚𝐥𝐚𝐮𝐧 𝐞𝐧𝐤𝐨𝐧𝐭𝐫𝐮 𝐀𝐏𝐂, 𝐊𝐚𝐢𝐤𝐨𝐥𝐢.
Atividade aprezentasaun ne’e partisipa direita hosi Sua Exelénsia Sekretáriu Estadu Protesaun Sivíl (SEPC), Domingos Mariano Reis, Prezidente APC, Jesuíno dos Reis de Matos Carvalho, Komandante Nasionál Operasaun Protesaun Sivíl, Nuno Romualdo Gomes, inklui Diretór Ezekutivu, Diretór Gabinete, Diretór Nasionál, Xefe Unidade, Xefe Departamentu no Xefe Seksaun sira.
Sua Exelénsia Sekretáriu Estadu Protesaun Sivíl, Domingos Mariano Reis iha ninia intervensaun introdús enkontru ida ne’e atu define lolos programa no orsamentu Protesaun Sivíl nian, kuandu ko’alia orsamentu, ko’alia mós programa.
Iha okaziaun ne’e, SEPC mensiona Protesaun Sivíl iha ninia programa prioriedade rua liga ba Dezenvolvimentu Institusionál no Sistema Seguransa Nasionál.
“Ita hatene programa prioriedade ba APC iha rua; ida mak dezenvolvimentu institusionál no segundu mak sistema seguransa nasionál. Saida mak programa ba Dezenvolvimentu Institusionál hanesan kapasitasaun rekursu umanu ne’e importante. Instala no dezenvolve infras-estruturas APC nian, halo koperasaun ho parseiru internasionál no nasionál sira hodi apoiu APC nia rekursu atu responde no aumenta ita-nia atividade no programa prioriedade,” esplika Sekretáriu Estadu.
Governante hatutan “Prioriedade segundu Protesaun Sivíl nian kona-ba Sistema Seguransa Nasionál. Seguransa ba saida; Prepara, Resposta no Rekopera bainhira populasaun sai vítima no afeitadu ba dezastre sira akontese iha ita-nia rain.”
Membru Governu fundamenta persija promove poupansa Orsamentu Jerál Estadu nian hodi garantia sustentabilidade Estadu ida ne’e, promove atu garantia dezenvolvimentu nasaun nian, labele gasta orsamentu Estadu arbiru de’it.
Sekretáriu Estadu mós husu ba diresaun ida-idak iha APC tenke hatene ninia programa prioriedade no atu halo saida. Labele tinan-tinan ko’alia mak rekoperasaun, maibé tenke ko’alia prevensaun. Prevensaun importante atu promove mós poupansa orsamentu Estadu nian, ne’ebé kontribui redús gastos, ne’ebé bo’ot.
#Foto &Video: Basilio ho Frederico