Dili, 05 Agustu 2024-Ekipa konjunta Autoridade Protesaun Sivíl (APC) liuhosi Korpu Bombeiros ho ekipa Ministériu Obras Públikas (MOP) liu hosi EDTL simu orientasaun hosi Sua Exelénsia Primeiru Ministru hodi tesi ai-hanek no ai-hali, ne’ebé okupa espasu públiku parte estrada no mota diresaun Maloa, aldeia Mutua, suku Vila-Verde iha segunda feira ne’e.
Asaun tesi hosi ekipa konjunta observa direita hosi Sua Exelénsia Ministru Obras Públikas, Samuel Marçal, Sekretáriu Estadu Protesaun Sivíl, Domingos Mariano Reis ho Prezidente APC, Jesuíno dos Reis Matos de Carvalho.
Iha biban ne’e, Prezidente APC, Jesuíno dos Reis Matos de Carvalho informa servisu konjunta entre Bombeiros ho EDTL.EP tesi ai hun boot ne’e, tanba ba futuru MOP sei hadi’a meius ka estrada ida ne’e.
Entretantu, lidera ekipa tesi ai kompostu hosi Diretór Nasionál Bombeiros (DNB) Paulo Maia no Komandante Unidade Espesiál Protesaun Sivíl, Fernando da Costa.
#Cipriano (GREC-APC)