RAEOA, 3 Agustu 2024-Autoridade Protesaun Sivíl (APC) liuhusi Xefe Gabinete Rejionál Jestaun Risku Dezastre Remigio Gomes de Jesus da Silva, Xefe Gabinete Rejionál Rekoperasaun Marito de Araujo akompaña husi Orgaun Polisia Suku (OPS) hala’o verifikasaun uma no apoiu pakote emerjénsia aihan no laos aihan ba vítima João Eko ne’ebé nia uma hetan inséndiu impaktu husi sirkuitu eletrisidade iha dadersan madrugada iha tuku 01: 12 otl iha loron 3 fulan Agustu tinan 2024, Iha Aldeia Nefoba’i, Suku Lifau, Sub-Rejiaun RAEOA.
Tuir informasaun ne’ebé média GREC-APC RAEOA asesu katak inséndiu refere rezulta vítima nia oan mane hetan kanek kmaan iha parte kotuk no konsege lori ba ospitál hodi halo tratamentu saúde. Kuaze sasan uma laran lakonsege salva. Agora dadaun vítima afetada hela provizóriu ho fámilia viziñu.
Pedro Média APC-RAEOA