Dili, 12 Agustu 2024- Ofisiál nain tolu (3) husi Autoridade Protesaun Sivíl (APC), reprezenta Xefe Unidade Operasionál Terrestre Protesaun Sivíl Martinho Fátima, Xefe Seksaun Komunikasaun Agostinho Cosme Belo no Xefe Seksaun Relasaun Esterna Nelson Nunes Orleans husi Gabinete Relasaun Esterna no Komunikasaun partisipa Formasaun kona-bá “ASEAN Language Of Meetings And Negotiation Workshop For Timor-Leste Officials” durante loron rua (2), hahu husi loron 12-13 Agustu 2024 iha Leadership room, CITY 8, Manleuana, Dili.
Objetivu husi formasaun ne’e maka:
- Atu hasa’e partisipante sira-nia kapasidade atu negosia ho efetivu iha kuadru ASEAN nia laran, hodi nune’e aliña ho prosesu foti desizaun kolaborativu ASEAN nian,
- Atu hatene partisipante sira ho lian espesífiku reuniaun no prosesu elaborasaun ASEAN nian, asegura integrasaun no komunikasaun ne’ebé di’ak liu iha diskusaun komunidade ASEAN nian; no
- Atu partisipante sira bele hetan situasaun moris reál iha prosesu negosiasaun entre estadu membru ASEAN liu husi partisipasaun ativu iha atividade hands-on, liu-liu iha rezolve kestaun sosio-kultural kompleksu sira iha ASEAN nia laran.
Formasaun ne’e partisipa husi ministériu no instituisaun relevante sira hanesan:: Polísia Nasional Timor-Leste (PNTL), Ministériu Defeza, Servisu Migrasaun Timor-Leste, Ministériu Justisa, Ministériu Solidariedade Sosiál no Autoridade Protesaun Sivíl (APC).
Formasaun ne’e Sponsor husi Malaysia Technical Cooperation Programe (MTCP), Ministry of Foreign Affairs, Malaysia no Organiza husi Center for Languages and Cultura Diplomacy (MTCP), Institute of Diplomacy And Foreign relations (IDFR), Ministry of Foreign Affairs, Malaysia.
#Basilio Vieira#