Baucau, 9 Agustu 2024- Autoridade Protesaun Sivíl (APC) Munisípiu Baucau liuhusi Xefe Gabinete Munisipál Jestaun Risku Dezastre Basilio Amaral, Xefe Gabinete Munisipál Protesaun Sivíl Abreu de Sousa Filipe, Xefe Gabinete Munisipál Jestaun Rekursu Januario freitas, Xefe Gabinete Muinisipál Rekoperasaun Mateus Soares ho funsionáriu sira inklui husi Diretór Servisu Dezaste Munisipál Clementino Pedro Barbosa halo Verifikasaun no fó apoiu pakote emerjénsia aihan no laos aihan fámilia ba uma kain walu ne’ebé sira nia uma hetan estragus kauza husi anin sobu no rai halai iha loron 1 fulan agustu 2024 iha Postu Administrativu Laga, Munisípiu Baucau.
Uma walu ne’ebé APC verifika kompostu husi Suku Saelari, Aldeia Lari Ledana uma 2 no Aldeia Saelari uma 1, Suku Soba, Aldeia Laicua uma 1, Suku Tequinomata, Aldeia Samagia uma 1, Suku Samalari, Aldeia Sae-Uata-Isi uma 1, Suku Nunira, Aldeia Loilaco uma 1 no Suku Atelari, Aldeia Luadae Uma 1. Rezultadu verifikasaun hatudu katak uma 2 maka tuir kategoria estragus no uma 6 latuir kategoria estragus.
Aliya Guterres Média APC Baucau.