Baucau, 15 Agustu 2024- Autoridade Protesaun Sivíl (APC) Munisípiu Baucau lidera husi Komandate Francisco Viana Freitas hamutuk ho ekipa APC tomak Inklui Komunidade, Juventude, hamate Inséndiu ahi han uma Celina da Costa no Leticio Pereira iha tuku 15:30 loraik, área PNTL Villa Nova, Aldeia Lutumutu, Suku Tirilolo, Postu Adminstrativu Baucau Vila, Munisípiu Baucau.
Tuir vítima Celina da Costa haktuir kronolojia husi akontesementu katak ” ohin meudia ami han hotu, ha’u ba tur tiha uma kotuk, labarik nain rua ho nia aman mak iha kios laran no derepenti ahi han maka’s uma Leticio Pereira nia uma ikus mai daet komu uma rabat malu entaun alastra ba ona ami nia no uma, nune’e ha’u kous ha’u nia oan no halai sai husi ne’ebá”
Tuir informasaun ne’ebé parte APC asesu iha terenu hafoin halo verifikasaun terenu katak inséndiu ne’e kauza husi sirkuitu eletrisidade husi uma vijinu Leticio Pereira.
Inséndiu ne’e la rejulta ema kanek no lakon vida maibé sasan uma laran no osan montante hamutuk dolar amerikanu rihun tolu nolu mak la salva.
Aliya Guterres Média APC Baucau