Ermera, 20 Agustu 2024-Autoridade Protesaun Sivíl (APC) Munisípiu Ermera liuhusi Sub-Xefe Brigada II Bombeiros, Francisco Alves da Cruz simu informasaun husi Exceĺénsia Sekretária III Autoridade Munisipál Ermera Asuntu Sosiais, Paulina do Rosário kona-bá ai samtuku ne’ebé monu tohar, kauza husi anin boot, iha Aldeia Borhei Suku Humboe Postu Administrativu Ermera, Munisípiu Ermera.
Bainhira simu informasaun ekipa APC-Bombeiros Munisípiu Ermera ba kedas fatin akontesimentu hodi tesi ai refere hodi normaliza fila-fali movimentu públiku diresaun Suku Humboe ba Postu Administrativu Ermera.
APC Ermera liuhusi Sub-Xefe Brigada II Bombeiros Munisípiu Ermera, Francisco Alves da Cruz, nafatin apela ba komunidade sira hotu iha Suku Humboe laran tomak atu nafatin antisipa tamba agora ne’e tempu anin boot.
Basty Média APC Ermera.