Ermera,16 Agustu 2024- Autoridade Protesaun Sivíl (APC) Munisípiu Ermera ho Parseiro Mercy Corps hala’o atividade refereshing training ba lideránsa komunitária sira iha Suku Raemerhei, Postu Administrativu Ermera, Munisípiu Ermera.
Reprezentante APC Ermera; Albino da costa Gomes hato’o “agradese ba parseiru Mercy Corps ne’ebé hatudu nia kompromisu atu servisu hamutuk ho APC hodi halo refreshing training ba Komisaun Jestaun Dezastre Suku Raemerhei”.
Iha sorin seluk Manager officer Mercy Corps Munisípiu Ermera, Celestino Martins hateten “programa refreshing training ne’e, foka liu-bá kapasitasaun lideránsa komunitaria nune’e aumenta koñesimentu lideránsa komunitária Suku Raemerhei iha ‘area jestaun risku dezastre”.
Ikus liu Xefe Suku Raemerhei Abel de Jesus Martins hato’o agradese ba APC no Mercy Corps ne’ebé kontinua fó formasaun ba nia lideránsa komunitária hodi bele hasa’e koñesimentu liga ba dezastre. Nune’e mós apela ba partisipante sira hodi aprende didi’ak nune’e bele imlementa iha terenu bainhira mosu dezastre”.
Formasaun ne’e lao durante loron rua hahú husi loron 15-16/08/2024 ho partisipante hamutuk ema nain 25, kompostu husi mane 14 no feto nain 11.
Basty Média APC Ermera.