-Dili, 19 Agustu 2024 – Autoridade Protesaun Sivíl (APC), liuhusi Porta-vóz Mateus da Costa relata dadus akontesimentu dezastre naturais durante semana rua hahú 5 to’o 19 Agustus 2024 akumula ema afetadu hamutuk 219 no kanek kaman nain 2.
“Hahú iha loron 5-19 Agustu 2024 durante Semana rua ne’e, iha rejiaun Timor-Leste normal no akontese tipu dezastre maka CNOPC-APC rejistu mak kazu tipu durante semana rua dezastre hamutuk 3 anin sobu, rai halai, insendiu, númeru uma estragus 44, no numeru ema afetadus 219,” relata husi Porta Vós APC, iha salaun konferénsia imprensa APC, Kaikoli Dili segunda-feira ne’e.
Aliende ne’e porta-vóz mensiona munisípiu sira ne’ebé afeitadu ba dezastre naturais hamutuk munisipiu 9 ho tipu dezastre anin bo’ot, insendiu, rai halai.
Enkuantu Munisípiu ne’ebé CNOP-APC rejista durante semana rua, uma hamutuk 44 mak hetan estragus liu-liu iha munisipiu Ainaro ahi han (1) anin sobu uma (1)) munisipiu Baucau Anin sobu uma (33) rai halai (1), ahi han uma (2), munisipiu Bobonaro Anin sobu uma (3) munisipiu Covalima Anin sobu uma (1) ,munisipiu Dili ahi han uma (1), RAEOA anin sobu uma (7) Ahi han uma (3),munisipiu Viqueque anin sobu uma (3), kanek (2), munisipiu Manufahi anin sobu uma (1), munisipiu Ermera anin sobu uma(1).”
Porta Vóz GREK Mateus da Costa esplika daudaun ne’e komandu APC Munisípiu ho parseirus relevante fornese ona asisténsia emerjénsia ba família afetadus sira mak hanesan Ai-han no laos Ai-han (food item & Non-food Item).
To’o oras ne’e parte Komandu Operasionál Autoridade Protesaun Sivil ( APC) munisípiu sira kontinua halo hela levantamentu detallus kona-ba sasan ne’ebe estragus no lakon.
Fredy (GREC-APC)