Dili, 19 Agustu 2024-Autoridade Protesaun Sivíl (APC), liuhosi Komandante Unidade Espesial Protesaun Sivíl (UEPC), Fernando da Costa, Xefe Busca e salvamentu Komandante Luis Araújo, Xefe Operasaun Komandante Mario da Cruz Lobo fó Formasaun kontinuasaun Busca no Salvamentu durante loron lima (5), iha resintu UEPS Komoro segundu feira ne’e.
Objetivu husi formasaun ida ne’e atu fó konesimentu ba membru (UEPC), sira atu aprende di’ak liu tan no prepara mentalidade no fíziku wainhira atu kombate insendiu
Formasaun ida ne’e partisipa husi pesoál Unidade Espesial Protesaun Sivil (UEPC) na’in (40) kompostu husi kazuais sanulu resin lima (15) no voluntariu nain haat (4).
Komandante Unidade Protesaun Sivíl (UEPC-APC) Fernando da Costa hateten Formasaun ida ne’e importante atu kapasita pesoál sira atu sai profisional iha área buska no salvamentu tamba Formasaun ne’e importante ba membru Unidade Protesaun Sivíl (UEPC) wainhira hetan orden ka xamada ruma tenke tun diretamente no hatudu esperiensia saida de’it mak durante ne’e hetan iha formasaun.
Iha sorin seluk Xefe Buska no Salvamentu Komandante Luís Araújo akresenta membru Unidade Espesial Protesaun Sivil UEPC tenki tuir formasaun máximu durante loron lima tenke aproveita ho di’ak iha formasaun ne’e hodi priense ho materia durante iha formasaun ida ne’e atu nune’e sai bukae ba imi nia an no ba iha futuru.
“Unidade Espesial tenke ema ne’ebé mak ativu, tenke preparadu tenke hakas a’an iha situasaun ne’ebé de’it no tenke hakas aan ba beibeik tamba UEPC mak ema ne’ebé espesial la’os ida ne’ebé maka mosu de’it maibe ba buat ne’ebé mak aprende, no tenke hakas a’an atu nune’e bele apar ho liafuan espesialidade”. Hateten Luís Araújo.
Xefe Departamentu Busca no Salvamentu komandante Luís Araújo apresia tanba bele mai fali hamutuk ho UEPC liuliu iha departamentu Buska no Salvamentu ne’ebé mak kriasaun husi komandante UEPC agradese tebes tanba futuru ne’e sei lao ba oin no sei lafila ba kotuk tanba Buska salvamentu tenke serbisu ho fo’er tenke kosar no oin suar.