+670 77879422 grec@apc.gov.tl

π†π‘π„πŠ π’π„ππ’πˆππˆπ‹πˆπ™π€ π‹π„πˆ ππ‘πŽπ“π„π’π€π”π π’πˆπ•πˆΜπ‹ 𝐁𝐀 π‹πˆπƒπ„π‘π€ππ’π€ πŠπŽπŒπ”ππˆπ“π€Μπ‘πˆπ€ ππŽπ’π“π” π•πˆππ”π„ππ”π„ π•πˆπ‹π€

by | Aug 21, 2024 | Notisia | 0 comments

Viqueque, 21 Agustu 2024-Autoridade Protesaun SivΓ­l liu hosi Gabinete Relasaun Externa no Komunikasaun (APC-GREK) hala’o sensibilizasaun hodi partilla informasaun ba lideransa komunitΓ‘ria ho nia membru konsellu suku sira iha postu administrativu Viqueque Vila, ligadu ho lei nΓΊ.12/2020 de 12 dezembru kona-ba lei Protesaun SivΓ­l, dekrΓ©tu lei nΓΊ. 23/2024 de 10 maiu kona-ba Estrutura OrgΓ‘nika APC, dekrΓ©tu lei nu. 7/2021 de 22 juΓ±u kona-ba Apoiu PΓΊbliku husi Estadu ba VΓ­tima Dezastre.
DiretΓ³r GREK, Casario da Silva Marques iha abertura informa sensibilizasaun atu partilla lei protesaun sivΓ­l ba Na’i Xefe Suku sira atu bele hatene hodi bele kanaliza fali ba komunidade sira ho lolos.
“APC tutela iha SEPC-MI liu-liu Gabinete Relasaun Externa no Komunikasaun atu partilla informasaun Lei Protesaun SivΓ­l ho dekrΓ©tu lei nu. 7/2022 la’os primeira vez iha Viqueque, maibΓ© hala’o ona iha munisΓ­piu lubuk ida, atu partilla no garante informasaun ba to’o Na’i Xefe no Xefe Aldeia sira, liu-liu ba APC munisΓ­piu sira bele kanaliza informasaun ho lolos ba ita-nia komunidade sira,” esplika DiretΓ³r GREK.
Lideransa MΓ‘simu GREK esklarese dala barak APC tun ba terenu rona obstakulu no dezΓ‘fiu lubuk ida aprezenta hosi Na’i Xefe Suku sira, ho razaun ida ne’e mak GREK implementa sensbilizasaun lei protesaun sivΓ­l ba lideransa komunitΓ‘ria sira iha postu Viqueque Vila.
Iha fatin hanesan, Reprezentante AdministradΓ³r Postu Administrativu Viqueque Vila, Juvinal Mascarenhas hateten programa sensiblizasaun lei Protesaun SivΓ­l importante lider komunitΓ‘ria nuudar alvu ba informasaun hodi bele hatutan ba komunidade.
“Sensbilizasaun iha postu Viqueque liu-liu ba suku 10, tanba ne’e husu Na’i Suku sira labele reprezenta ema seluk mak mai tuir, maibΓ© Xefe suku sira mak tenke to’o rasik rona hodi kontinua hatutan ba xefe aldeia no komunidade sira, atu nunee sira bele komprende,” esplika Reprezentante AdministradΓ³r Postu Viqueque.
Fasilita matΓ©ria lei Protesaun SivΓ­l kompostu hosi DiretΓ³r GREK, Cesario da Silva Marques no funsionΓ‘riu GREK, Laura Salsinha Martins.
Hafoin sensibilizasaun DiretΓ³r GREK entrega mΓ³s revista imprime APC volume primeiru ho segundu ba reprezentante AdminiadΓ³r Postu Administrativu Viqueque Vila.
Cipry (GREC-APC)
X