Baucau, 20 Agustu 2024- Autoridade Protesaun Sivíl (APC) Munisípiu Baucau liuhusi Xefe Gabinete Munisipál Jestaun Risku Dezastre Basilio Amaral servisu hamutuk ho ekipa Dezastre Munisipal fo apoiu pakote emerjénsia ba família afetada hamutuk 13 iha Postu Administrativu Quelicai.
Família benefisáriu sira ne’e, Suku Namanei Aldeia Uasufa uma 3, Aldeia Daicou Uma 1, Suku Bualale, Aldeia Lialura uma 2, Aldeia Osso Messa uma 1, Suku Lelalai, Aldeia Ossoliro uma 2, Aldeia Dauaduca uma 1, Aldeia Maluro uma 1, Suku Laisorolai de Baixo, Aldeia Sauacasa uma 1 no Suku Laisorolai de Cima, Aldeia Baticasa uma 1.
Vitima hirak ne’e sira nia verifika tiha ona antes simu pakote emerjénsia aihan no laos aihan husi APC no Dezastre Munisipál Baucau hafoin dezastre anin sobu sira nia uma iha loron 13/08/2024.
Ekipa ne’ebé fornese apoia pakote emerjénsia mak Xefe Gabinete Munisipál Jestaun Risku Dezastre Basilio Amaral, funsionáriu APC inklui Xefe Departementu Jestaun Formasaun Munisipal Januario Bras, Xefe Departementu Protesaun Sivil Munisipal Abreu do Rosario Belo nomós funsionáriu Jestaun Risku Dezastre Munisipál.
Aliya Guterres Média APC Baucau