Baucau, 21 Agustu 2024- Autoridade Protesaun Sivíl Munisípiu Baucau liuhusi Xefe Gabinete Munisipál Jestaun Risku Dezastre Basilio Amaral hamutuk ho ekipal verifika no fó apoiu emerjénsia ba vitima afetadu dezastre iha Postu Administrativu Quelicai, Munisípiu Baucau.
Vítima ne’ebé simu pakote emerjénsia husi Suku Guruca, AldeiaLacolela uma 2, Aldeia Saebere uma 1, AldeiaEu-Ata uma 1, Suku Abafala, Aldeia Mumana uma 2, Aldeia Caranu uma 1, Suku Afaca, Aldeia Uligata uma 2, Suku Uaitame, Aldeia Gugulai uma 1, Suku Namanei, Aldeia Sirilaco uma 1 no Aldeia Uasufa uma 2.
Aleinde fó apoiu emerjénsia ekipa verifika mós uma ne’ebé hetan estragus kauza husi anin bo’ot no vítima hirak ne’e mak hanesan Agapito dos Reis husi Suku Abafala, AldeiaMumana, Agostinho Correia husi Suku Guruca, Aldeia Saebere, Filomena Fonseca husi Suku Guruca, Aldeia Lacolela, Mario Morreira husi Suku Uaitame, Aldeia Gugulai no Arlindo Ximenes husi Suku Afaca, AldeiaUligata.
Total vítima ne’ebé simu pakote emerjénsia aihan no laos aihan hamutuk 13, no vítima ne’ebé verifika hamutuk uma kain 5.
Aliya Guterres Média APC Baucau