Baucau, 21 Agustu 2024-Autoridade Protesaun Sivil (APC) Munisípiu Baucau ne’ebé lidera husi Komandante Operasional Francisco Viana Freitas akompaña husi Komandante Korpu Bombeiros Cristalina Fraga Correia, Xefe Unidade Terrestre Martinho Fátima ho ekipa halo sensiblizasaun ho tema “Sensiblizasaun Edukativa ba Estudante Sira Kona –bá Jestaun Risku Dezastre Kosteira“. Iha Postu Administrativu Baucau Villa no Postu Administrativu Vemasse, Munisípiu Baucau.
Objetivu husi Sensibilizasaun ida ne’e ne’e hanesan meus ida ita halo atu ita iha koñesimentu hodi redus impaktu negativu husi risku dezastre.
Iha abertura Xefe Unidade Terreste Martinho Fátima hateten Sensiblizasaun ida ne’e liga ho Dezastre no razaun hili ita bo’ot sira nia eskola sai tarjetu ba Sensiblizasaun tamba bazeia ba dadus ne’ebé iha akontese bebeik iha ita boot sira nia fatin.
“Karakter risku dezastre ita hare’e liu kona-bá risku ba rai nakdoko, tsunami, inundasaunno Siklonia risku sira ne’e fó perigu ba ita nia vida tamba ne’e ita ida-idak tenki asegura ita nia –an bainhira akontese situasaun dezastre”. Hateten Martinho Fátima Xefe Unidade Terrestre-APC.
Iha sorin seluk Inspektur Eskola Munisípiu Baucau Eufrasio da Silva husu estudante sira hotu atu partisipa ho máximu iha sensiblizasaun ne’e atu nune’e bele sai hanesan bukae ba ita nia moris lor-loron liu-liu iha ita nia hela fatin no kuidadu-an nafatin tamba dezastre akontese ita hotu la hatene hodi prejudika ba ita nia moris.
Iha fatin hanesan estudante Jania Mariska da Costa kontente no agradese ba Sensiblizasaun ida ne’e tamba bele aumenta sira nia kuñesimentu banhira akontese dezastre sira bele salva sira nia an nomós ema seluk.
Sensiblizasaun ne’e hala’o durante loron ida no totál estudante ne’ebé partisipa iha sensibilizasaun ne’e hamutuk atus ha’at (400) husi Baucau Villa atus rua (200) no PostuVemasse atus rua 200.
Aliya Guterres Média APC Baucau