Dili, 26 Agustu 2024 – Autoridade Protesaun Sivíl (APC), liuhusi Porta vóz GREC Xefe Sekasaun Relasaun Externa Nelson nunes de Orleans relata dadus akontesimentu dezastre naturais durante semana ida nia laran hahú 19 to’o 26 Agustus 2024 akumula xefi família hamutuk 57 mak afeitadu no vitima nain 2 lakon vida no kanek grave 3.
“Hahú iha loron 19-26 Agustus 2024 durante Semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu mak kazu tipu durante semana ida dezastre hamutuk 3 anin sobu, Asidente trafego, insendiu, númeru uma estragus 10, no numeru ema afetadus 57,”
relata husi Porta vóz GREC Xefe Sekasaun Relasaun Externa Nelson nunes de Orleans APC, iha salaun konferénsia imprensa APC, Kaikoli Dili.
Aliende ne’e Porta vóz mensiona munisípiu sira ne’ebé afeitadu ba dezastre naturais hamutuk munisipiu 5 ho tipu dezastre anin bo’ot, insendiu, asidente tráfego.
Enkuantu Munisípiu ne’ebé CNOP-APC rejista durante semana rua uma hamutuk xefi famílias 57 hetan estragus liu-liu iha munisipiu Ainaro (mate 2, kanek grave 3), munisipiu Bobonaro (Anin sobu uma 1) RAEOA ( ahi han 5), munisipiu Manufahi anin sobu uma (1), munisipiu Ermera (anin sobu uma 3).”
Porta vóz GREK Xefe sekasaun relasaun externa Nelson nunes de Orleans esplika katak Parte APC no parseirus relevante fornese ona asisténsia emerjénsia no halo kedas evakuasaun no fo apoiu kedas (food item & Non-food Item) ba vitima afeitadus sira.
To’o oras ne’e parte Komandu Operasionál Autoridade Protesaun Sivil ( APC) munisípiu sira kontinua halo hela levantamentu detallus kona-ba sasan ne’ebé estragus no lakon.