Manatuto, 26 Agustu 2024- Autoridade Protesaun Sivíl (APC) Munisípiu Manatuto lidera husi Afonso Soares da Silva, Xefe Gabinete Munisipál Jestaun Rekursu João Soares simu husi parseiru CVTL ho UNEP hodi ko’alia kona-bá asuntu redusaun risku dezastre ba Asaun Antisipatoria.
Komandante APC Manatuto Afonso Soares da Silva hato’o agradese wain ba parseiru sira tamba hakarak kontinua halo koordenasaun servisu ho APC
Agradese ba Parseiru tamba bele koordena ho APC hodi hola parte iha atividade ida ne’e, tamba k”omunidade mak sai ita nia alvu lolo’os oinsa ita nafatin hakbesik sira hodi fahe informasaun liga ba asuntu dezastre” , dehan Afonso Soares da Silva (Komandante APC Munisípiu Manatuto).
Iha sorin seluk Maria P.da Cruz hanesan project manager ba Jestaun Risku Dezastre Husi CVTL hateten objetivu sorumutu ida ne’e, atu halo koordenasaun ho APC hodi halo simulasaun rai halai iha Suku Orlalan
“Objetivu enkontru ne’e atu halo koordenasaun ho APC atu partisipa iha simulasaun rai halai, hamutuk ho komunidade Suku Orlalan, ne’ebé sei realiza iha dia 3 fulan Setembru tinan 2024, iha Postu Administrativu Laclubar, Munisípiu Manatuto”, dehan Maria P.da Cruz.
Geny Média APC Manatuto