Baucau, 30 Agustu 2024-Autoridade Protesaun Sivíl (APC) Munisípiu Baucau liuhusi funsionáriu Gabinete Munisipál Jestaun Risku Dezastre, Korpu Bombeiros hamutuk ekipa fó apoio emerjénsia aihan no laos aihan ba vítima Norberto Freitas ne’ebe nia uma hetan inséndiu ahi han kauza husi sirkuitu eletrisidade ne’ebé akontese iha loron 30/08/2024, tuku 17:30 Otl, iha Aldeia Osso-Messa, Suco Bualale, Postu Adminstrativu Quelicai, Munisípiu Baucau.
Tuir kronolojia, vítima Norberto Freitas hateten nia uma hetan inséndiu ahi han bainhira partisipa iha seremónia 30 de Agustu Konsulta Popular, iha Postu Administrativu Quelicai.
Iha akontesementu ne’e larezulta ema ruma kanek ka lakon vida maibé sasan uma laran mak ahi han mutuk.
Aliya Guterres Media APC Baucau