APC MANATUTO OBSERVA DIRETA INSÉNDIU IHA POSTU LACLO

Manatuto, 28 Agustu 2024- Autoridade Protesaun Sivil (APC) Munisipiu Manatuto liuhusi Komandante Korpu Bombeiros Domiber T D.R.N Soares ho ekipa halo observasaun direta ba fatin akontesementu inséndiu ahi han uma Joanico Carcerres nian iha oras loron 28/08/202, tuku 02:00 Otl, iha Aldeia Raidodok, Suku Lacu Mesak, Postu Administrativu Laclo, Munisípiu Manatuto.

Tuir informasaun ne’ebé ekipa APC asesu iha terenu katak vítima Joanico Carcerres katak seidauk hatene klaru motivu husi inséndiu ne’e rasik tamba iha momentu ne’ebá nia laiha uma. Iha akontesementu ne’e la rezulta ema ruma lakon vida ka kanek maibé sasan uma laran mak ahi han mutuk hotu.

Entretantu ekipa APC hala’o ona verifikasaun nomós fornese pakote emerjénsia aihan no laos aihan ba família afetada.

Iha sorin seluk, ekipa APC mós hala’o verifikasaun ba vítima Tomas da Costa ne’ebé nia uma hetan inséndiu iha loron 13/07/2024, iha tuku 05:00 madrugada iha Aldeia Ainikolau, Suku Hohorai, Postu Administrativu Laclo, Munisípiu Manatuto.

Tuir informasaun ne’ebé ekipa APC asesu iha terenu kona-bá kronolojia akontesementu ne’e katak nia parte seidauk hatene klaru kona-bá kauza husi inséndiu ne’e rasik ne’ebé rezulta sasan uma laran estragus maibé la rezulta ema ruma kanek no lakon vida.

Ikus liu ekipa APC Manatuto kontinua fornese apoia pakote emerjénsia aihan no laos ahihan ba vítima afetada.

Geny Média Apc Manatuto.